E-D-D-1. E-D-D-1.

by Sankage Steno

“Please proceed to customer service please. Thank you.”

Ewan ko lang kung na-gets nyo ‘yan. Pero malabo namang hindi lalo na kung nakapunta ka na sa SM Department Store. Alam mo yung bibili ka ng sapatos, pipili, tapos papakuha ka ng size mo sa sales person. Then, habang naghihintay sa may bangko e mapapakinggan mo yung mga kanta sa speaker.

All of a sudden, mapuputol yung kanta dahil tutunog yung ding-dung-ding-ding na papataas ang tono, at may magsasalita ng ganyan. Normally babae yung magsasalita sa microphone na ang tono e puro Do (As in do-re-mi) lang yata. Very monotonous. Alam mong tamad na tamad sya sa trabaho nya.

Nakakatawa lang kasi na alam mong hindi mo naman talaga sya concern, at wala sya sa pinapansin mo talaga sa loob ng isang mall, pero dahil paulit-ulit mong naririnig e naging part na sya ng subconscious mo. Subconscious? E kasi naghihintay ka lang, people watching habang nakikinig sa kanta ng SM, tapos biglang magagambala yung paglipad ng isip mo dahil sa E-D-D-1. E-D-D-1 na ‘yan.

Tae lang.

Kaya nag-research ako nang kaunti para malaman kung ano yung E-D-D-1 na ‘yan sa SM. Google lang naman yung ginawa ko. Tinype ko lang yung “sm department store e d d 1” sa Google, at ang unang lumabas e eto:

Image

So may EDD procurement department pala? Yun kaya yung tinatawagan lagi nung babae sa mikropono? Ano kaya meron sa EDD at parang lagi syang kailangan ng customer service personnel? To begin with, tama bang yun nga ang E-D-D-1 na naririnig ko sa department store? Bakit may 1 sa dulo? May 2 pa ba? 3? 4? Mali lang ba ako ng dinig? Nasisira na ba ang ulo ko at pinagkakaabalahan ko ‘to?

Parang hindi nakatulong yung research ko. Nasagot nga yung tanong ko. Lalo namang dumami pa yung mga tanong ko. Hay, buhay! Daming misteryo.