OK? K.

by Sankage Steno

Alam mo ba kung san nanggaling yung salitang ‘OK’?

For sure, hindi mo alam. ‘Wag ka nang magmaang-maangan pa. Feeling mo alam mo lahat? Excuse me! Hindi mo kaya alam. Op-op-op! ‘Wag mong subukang i-Google. Mandadaya ka pa, ha? Kala mo.

Ang mature ko lang, shet.

Pero ‘wag mo na ngang i-Google kasi sasabihin ko na sa ‘yo ang etymology o pinagmulan ng salitang ‘OK.’ Pero bago ang lahat, gusto ko lang ipaalam sa ‘yo na dalawa na ang ating pambansang bulaklak. Bukod sa sampagita, national symbol na rin ang waling-waling.

Ito ay pinagtibay sa House Bill 5655 na naipasa ng Senado noong Lunes. Yehey!

Going back to my original topic (sobrang chopseuy lang talaga ng blog ko, kainis), ang totoong pinagmulan ng salitang ‘OK’ ay, believe it or not, ang pariralang “all correct.”

Ganito ang kwento: Noong March 23, 1839, lumabas sa pangalawang pahina ng Boston Morning Post ang dalawang letters na ‘O’ at ‘K’ sa gitna ng isang mahabang talata, to mean na everything is, like I said, “all correct.”

Joke-joke lang talaga ito, pero kinagat sya ng mga Amerikano dahil bobo sila (biro lang, kaw naman). Ang totoo, kinagat nga ng mga Amerikano ‘to dahil sa pangyayari noong 1840: ang presidential election.

May isang kandidato, si Martin Van Buren, na nabansagang Old Kinderhook (after his birthplace in New York State), at merong kumakalat na kwentong bayan sa kanila noon na may dating U.S. president daw na sobrang bobo/tanga/inutil/engot/boplox/shungaers at di sanay mag-spell ng English words sa mga pinipirmahan nyang dokumento.

Ang ginagawa raw ng presidenteng ito para maaprubahan yung mga dokumento e sinusulatan na lang ng “OK,” sa pag-aakalang yun ang abbreviation ng phrase na “all correct.”

Ay, bobo nga.

Matapos nun, ginaya na rin ng mga tao yung kabobohan ng “dating U.S. president” daw na yun. At sa tindi ng kabobohan, lumaganap na sa buong mundo ang paggamit ng ‘OK,’ na maging sa Pilipinas ay sobrang sikat na.

Ang masaklap pa nito, nung sumikat ang text messaging at napaikli ang lahat ng spelling sa  text, at dahil na rin sobrang creative (o bobo?) nating mga Pilipino, yung ‘OK’ na abbreviation ng ‘all correct’ e pinaiksi pa natin lalo sa katauhan ng walang kalatuy-latoy na reply na “K.”

E ano pa nga bang masasabi ko sa phenomenon na ‘to?