Patawad, mga baboy!
by Sankage Steno
Nakasakay ako sa bus papuntang Ayala Avenue kaninang umaga. Nang binabagtas na namin ang tulay ng Guadalupe, pinagmasdan ko ang tubig sa Ilog Pasig, habang iniisip kung ga’no sya kaganda noon. Bigla-bigla, sa tabi ng covered court sa gilid ng ilog, e dumukwang ang isang lalaki sa pader at nagtapon ng bote ng inumin.
Para talagang umakyat yung dugo sa likod ng ulo ko. Tahimik lang pero naiinis na nagagalit ako sa nakita. E ang layo ko naman sa mamang yun kaya hindi ko masabihan, ni hindi ko rin makuha yung tinapon nya sa ilog para ilagay sa tamang tapunan.
Naiinis din ako sa mga taong kung sa’n-sa’n na lang dumudura, lalo na ‘pag may kasamang plema o kalagara. Marami nyan sa mga foot bridge at sa mga sidewalks. Kumukulo rin ang dugo ko ‘pag may mga nakikita akong nagtatapon sa labas ng bintana ng kanilang sinasakyan.
Ano bang problema nyong mga Pilipino kayo?
Ang linis-linis nyo sa katawan, araw-araw kung maligo, minsan dalawang beses pa a day, pero napakasalaula nyo sa inyong paligid. Ganyan ba kayo kababoy (Pasensya na sa mga baboy.) sa loob ng bahay nyo? Kung oo, ‘wag nyong dalin sa labas, sarilinin nyo na lang. Kung hindi, e bakit kayo ganyan? Labo.
Anak ng Pasig naman kayo!
Well, sinisisi ko ang sarili ko kasi minsan nahihiya talaga akong batasin yung mga taong salaula na ‘yan e, lalo na ‘pag mukhang hoodlum, although ginagawa ko namang pagsabihan madalas yung mga ka-close ko, like friends or family. Pero nahihirapan talaga akong gawin sa ibang tao.
Minsan ang ginagawa ko, kapag may nagtapong stranger at nakita ko, pupulutin ko yung tinapon nya at saka ibubulsa o ilalagay sa tamang basurahan. E kaso nakakahiyang mamulot ng basura ng iba. Saka ayokong isipin ng ibang tao na nagmamaganda ako. Excuse me! Hindi ko ginagawa yun to prove anything. Ginagawa ko yun kasi yun ang mahirap gawin.
Kaya kung pwede lang ha, umayos kayong mga salaula kayo! Kung ayaw nyong magtapon ng kalat nyo, ‘wag kayong magkalat! Kung hindi kayo concerned sa inyong paligid, isipin nyo yung mga taong tulad ko na naha-high blood kapag nakakakita ng kababuyan ninyong mga baboy kayo! (Paumanhin muli sa mga baboy.)
iritable din ako pag me nakikita akong nagkakalat… minsan me pinagsabihan ang nanay ko, sinabihan pa syang maarte… eh kung tapon kaya namin sa harap mo yung basura mo, hindi ka maiinis… antipatika!
yung mga concern sa kapaligiran, nagse-segregate pa… sinusunod yung mga segregation rules sa mall… problema, hindi naman lahat eh katulad nating mga concern sa environment (in our own little way)…
ano ba ang effective na paraan para mapaisip naman ang mamamayan na wag makalat? kahit na kasi gano pa kadaming bagyo at sandamukal na baha ang dumaan sa atin, di pa rin nagbabago eh…
LikeLike
sana tinadyakan nyo yung nagsabi ng maarte tapos tinulak nyo sa dagat ng basura. kairita!
well, tingin ko dapat lang na mas maging mahigpit yung law enforcers sa pagpaparusa sa mga magkakalat. dapat community service at fine. kulong pag ayaw pa ring maglubay.
LikeLike
hahahaha! di pwedeng tadyakan, abuse daw eh..
okay yung suggestion mo… dapat nga higpitan ang law sa pagkakalat pero kung walang mag-iimplement, wala rin (sa tingin ko ha)… dapat talaga me social responsibility.
Sabihin na lang nating walang utak ang mga nagkakalat….
LikeLike
kahiya-hiya nga sa mga baboy…wala pa akong nakitang baboy na gumawa ng ganyan…mahiya naman sila sa mga totoong baboy.
LikeLike
Tama!ako din inis sa mga taong hindi alam ang salitang KALINISAN…
LikeLike
alam nila yun. ayaw lang nilang bigyan ng meaning.
LikeLike
what is ka-la-ga-ra? ngayon ko lang naencounter
LikeLike
dahak. yung sipon na niluluwa mo sa bibig galing sa lalamunan, minsan green o yellowish na may halong laway.
LikeLike
Wow thanks for the very detailed and visual answer
LikeLike
wow! very graphical naman ang description mo.. not-so-nakakasuka! hahahaha…
LikeLike