Do Not Read My New Novel

by Sankage Steno

Pramis, hindi s’ya maganda. Alam mo ‘yung napakatipikal na kwento ng dalawang magkaibigan na tinutupad lang ‘yung kanilang simpleng pangarap? Medyo may adult content pa. Tapos ang setting lang naman e sa Pilipinas? Napakawalang kwenta.

Tapos binigyan ko pa ng title na sobrang walang appeal: Ang Pangarap Kong Beach.

Tae, kapanget talaga. Sino naman kaya ang nangangarap na mag-beach ngayon? Lahat kaya ng Pilipino nakaligo na sa dagat, kahit basura pa ‘yung iba. Sus! E napakarami kayang magagandang beach sa Pinas, di ka magsasawa.

Pramis!

Isa pa, hindi ko na-edit nang buo ‘yang nobela ko, so marami kang makikitang typo errors. Pati nga sa content at sa grammar may mali pa. ‘Yan ang napapala ng mga walang sariling editor, ‘yung masyadong nagmamarunong tulad ko. Kaya ‘wag na ‘wag mong iki-click ‘yung title ng nobela ko kung ayaw mong makita ‘yung mga mali ko.

Ang nakakainis pa nito, pangalawang novel ko na s’ya. Alam mo nangyari dun sa una? Namatay. Dun kasi s’ya nakalathala sa Multiply. E di ba patay na ang Multiply? So patay na rin ‘yung una kong kwento na ang title e Silahis.

Ambantot ‘no? It’s so gay!

For sure di mo rin magugustuhan ‘tong Ang Pangarap Kong Beach. Andami n’ya kasing undertones o ‘yung hidden meaning. Sino ba namang tanga ang maghahanap ng hidden meaning sa isang mahabang kwento? Walang matiyagang tao na gagawa nu’n ngayon. Asa pa ‘ko.

Kainis!

Ang pinakamatindi pa sa lahat, wala akong inspiration sa paggawa nitong bago kong nobela. As in wala talaga! Ni hindi s’ya kamukha ng mga experiences ko sa totoong buhay. Wala ring particular na tao na pinagkuhanan ko ng kwento. Lahat talaga imbento ko lang, so walang sense. Not worth your time.

And do not make the biggest mistake of downloading a copy through this link. Maghihintay ka na nga nang matagal sa pagda-download, babasahin mo pa nang pagkatagal-tagal, ta’s wala ka namang mapapala kasi nga ampanget-panget n’yang kwento.

So don’t read it.