POTA

by Sankage Steno

Para sa mga hindi naka-attend ng talk ko sa Mapua kanina, don’t fret. Ibabahagi ko naman rito sa blog ko ang ilan sa mga iprinisenta ko kanina. Hindi ko nga lang mailalagay lahat kasi unfair sa mga nag-effort.

Tungkol sa effective communication and presentation skills ang paksa ko. Hindi ko alam kung bakit ako ‘yung naimbitahan. Siguro dahil naging teacher ako ng college dati kaya ganu’n. Anyway, natuwa naman ako kasi naalala nila ‘yung pangalan ko out of so many others na competent at knowledgeable sa topic.

Nahati sa tatlo ang presentation ko: Presentation Skills, High- and Low-Context Culture ni Edward T. Hall, at Tips to Build Up Confidence. (Very John Robert Powers lang. Nakalibre pa sila sa ‘kin ng ganu’n. Mahal kaya ‘yon.) ‘Yung una lang ishe-share ko.

4 Things I Hate About Student Presentations:

1. Parkinson’s – Sila ‘yung mga reporter na nanginginig ang kamay (at boses kung minsan) kapag nagre-report. Lalo itong obvious kasi may hawak silang papel kung saan nakalagay ‘yung nirereport nila (more like binabasa).

www.giphy.com

2. Okay – Ito ‘yung mga presentation na ginawa 10 minutes before the class. Sobrang minadali. Produkto ng cramming. Understandable naman na kapag nagka-cram ka e saka lumalabas ang creative juices at hidden powers, pero kadalasan e lumalabas na mediocre lang ‘yung report.

www.giphy.com

3. Text-Heavy – Ito ‘yung mga PowerPoint presentation o Prezi (or whatnot) na ang bawat slide e tadtad ng text, parang dyaryo. Masakit na nga sa mata, ang gagawin pa ng reporter e tatalikod sa audience at babasahin lang kung ano ‘yung nakasulat sa slide. Jusme!

www.giphy.com

4. Ano – Ito ‘yung reporter na mahilig magsabi ng “ano” every three seconds. English ang report, tapos mapuputol ang thought, at dahil walang masabi, magsasabi na lang ng “ano.” Minsan sinasabi nila e “umm” o kaya e “so.” Nakakatawa pero nakakairita rin ‘tong mannerism na ‘to.

www.giphy.com

Para madaling kabisaduhin, I used a mnemonic device. P – arkinson’s, O – kay, T- ext-heavy, A-no = POTA.

Trivia: Pota is a Kapampangan word for “mamaya” or “later.”

Syempre, nagbigay din ako ng solusyon sa apat na ito. Kung POTA ang kinaiinisan ko sa mga student presentation, POTA rin naman ang naisip kong solusyon sa bawat problema. Eto sila:

1. Put it away – Itapon mo ‘yung hawak mong papel na guide sa report para hindi mahalatang nanginginig ang kamay mo. Wala ka kamong guide? E di kabisaduhin mo ‘yung report mo. Be familiar with your material. Mag-report ka nang walang binabasa.

www.giphy.com

2. Over prepare – Pwede ring over practice. Okay lang ‘yung may preparation, pero minsan may di inaasahang nangyayari like technical glitch o late na group mate. Ang solusyon ay itodo ang paghahanda. Kabisaduhin pati part ng kasama. Have a contingency plan lagi.

www.giphy.com

3. Trim Down – Kung heavy ang text sa slide mo, putulin mo na. Ang ideal e dapat mabasa ang nakasulat sa isang slide within 10 seconds. ‘Pag lumagpas, putulin na ‘yung text at ilagay sa next slide. Nasa mga 5 to 6 lines of text ‘to per slide para pasok sa 10 seconds.

www.giphy.com

4. Anticipate – Para maiwasan ang mannerisms, expect mo nang magagawa o masasabi mo ‘yun. Somehow, dahil aware ka na sa nakakairita mong gawi, baka mabawasan mo na s’ya kahit konti. Better pa rin talaga kung makakapag-practice para walang dead air na pwedeng singitan ng “ano.”

www.giphy.com

Again. P – ut it away, O – ver prepare, T – rim down, A – nticipate = POTA

Thanks, Giphy.com, for the images.