Decriminalize drugs

by Sankage Steno

O ‘wag ka pong tanga. ‘Decriminalize’ ang sabi ko, hindi ‘legalize.’ Magkaiba ‘yon. Kung ano yung pagkakaiba, go figure.

‘Wag na rin tayong mag-ilusyong masusugpo talaga ang droga sa bansa. Hindi mangyayari ‘yon kahit patayin pa natin ang lahat ng tambay at mahihirap sa Pilipinas. Hindi mangyayari ‘yon habang yung mayayamang drug lord e protektado ng pulis at ng mga pulitiko.

Asa ka pa.

Sabi nga ni  César Gaviria Trujillo, dating pangulo ng Colombia, na yung layunin ng United Nations na isang “society free of drug abuse” ay “unrealistic, totally naive, almost stupid.”

Parang ikaw na paniwalang-paniwala sa pangako ni PDigong.

Alam mo, luma na ‘yang style na papatayin yung mga drug pusher at addict. Nagawa na ‘yan ng Thailand noong 2003. Sa unang tatlong buwan ng kampanya nila laban sa droga, nasa 2,800 extrajudicial killings agad ang naitala nila. Balak ba nating tapatan o, mas malala, lampasan ‘yon?

Anong resulta ng kampanya nila?

Ayun, talamak pa rin ang droga sa bansa nila. Marami lang yung namatay, kabilang na yung mga inosente at mga napagkamalan lang. Ngayon, namomroblema sila sa kakulangan sa kulungan dahil sobrang dami ng preso nila. Oo, umamin na rin silang talo sila sa war on drugs.

Pero may isang bansa na nananalo ngayon sa pagsugpo sa droga. Ang bansang iyon ay walang iba kundi Portugal. Ano ang ginawa ng pamahalaan nila para mapababa ang bilang ng mga nagtutulak at gumagamit ng droga? Decriminalization.

In 2001, the Portuguese government did something that the United States would find entirely alien. After many years of waging a fierce war on drugs, it decided to flip its strategy entirely: It decriminalized them all.

Pero ‘wag ka namang mag-conclude agad na dahil na-decriminalize yung droga kaya bumaba yung bilang ng mga adik nila. Bukod sa pag-decriminalize, pinag-igi rin nila ang kanilang health system at nag-allot ng pondo para sa rehabilitation ng mga gumagamit ng droga.

Portugal shifted drug control from the Justice Department to the Ministry of Health and instituted a robust public health model for treating hard drug addiction. It also expanded the welfare system in the form of a guaranteed minimum income.

Sa halip na patayin yung mga adik, tinulungan nilang magbago. Pinagamot nila. Addiction is a disease and should not be considered a crime. ‘Yan ang paniniwala nila sa Portugal. Unti-unti na ring napapagtanto ito ng iba’t ibang lider sa bansa, kabilang na ang mga tao sa UN.

Sabi ni Yuri Fedotov, executive director ng UN Office on Drugs and Crime, “The science increasingly supports decriminalization and harm reduction over proscriptive, fear-based approaches. It’s time to reverse the cycles of violence that occur wherever ‘drug wars’ are undertaken, and to abandon policies that exacerbate suffering.”

Inuulit ko: Abandon policies that exacerbate suffering.