Hijo de puta

by Sankage Steno

Dios mio, Marimar! Lumalala ang altapresyon ko kay el Presidente. Kung anu-anong lumalabas sa la boca n’ya. Masahol pa sa la cucaracha. Que horror!

Para bailar la bamba!

Ano bang pinakain ng mga magulang nito nang lumalaki pa lang si el Presidente? Estiercol? La mierda! At bakit puro los mujeres lang ang tinitira n’ya? Este, yung inaaway n’ya lagi? Babae lang ba ang kaya n’yang paiyakin?

Uno, ginawa n’yang biro ang panggagahasa sa isang patay na misyonaryo. Que barbaridad! Dos, sinipulan n’ya ang isang mamamahayag. Que horrible! Tres, tinawag n’yang imoral ang isang senadora. Punyeta! Conyo! Nagsalita ang malinis at hindi nangangaliwa. At anong pruweba n’ya sa kanyang akusasyon? Nada!

Siempre, siempre manda el amor.

Haynako, Marimar! Hanggang kelan ba tayo magtitiis sa bastos na la boca nitong el Presidente natin? Tell me quando, quando, quando! Seis anyos pa, mi amiga. Seis anyos! Ayokong masanay sa bunganga n’ya, por dios, por santo.

Wala ba s’yang madre? Wala ba s’yang hermana? E anak na babae? Ano bang tingin n’ya sa los mujeres, aber? Sana man lang bago s’ya pumutak, isipin n’ya muna yung lalabas sa kanyang la boca de estiercol. Puro kasi tae yung pinagsasasabi n’ya. La mierda pa more!

Por que contigo yo escoji? Bakit kasi ikaw pa ang napili ng sambayanang Pilipino? Ahora mi corazon ta sufri. Ngayon ang puso ko ay sawi. Bien simple lang I yo tapidi. Era cin ti tu el cosa yo ya cin ti. Kay simple lang ng aking hiling, el Presidente. Na madama mo rin ang pait at pighati.

Ayan, napakanta na tuloy ako. Dios mio, Marimar. Costenita soy! Sana’y magmilagro. Mabalik ko, mali ay maideretso. Pinagdarasal ko sa ‘king puso na mabura ka sa isip ko. Pero nada! No que no. Pwes, kung di ka rin lang magbabago, kung di ka magbibigay kahit una poca de gracia para mi, para ti, esto es la guerra.

Oo, giyera na itu, el Presidente. Ay, arriba, arriba!