You’re English are so pangit

by Sankage Steno

Minsang nakapagsimba ako sa amin sa probinsya, nagsalita pagkatapos ng komunyon yung hermano mayor ng pista. Kakagaling lang daw n’ya sa States. Kaya naman straight English s’ya kung magsalita nung umagang ‘yon… English ng kalabaw.

“I’m thank everyone for support in this year’s fiesta for the success of events,” sabi ng maimpluwensyang tao sa aming bayan. “I’m just came from States and I’m happy for the chance to helping the parish to make this fiesta a successful.”

Can you just imagine my face habang nakikinig sa speech n’ya pagkatapos tumanggap ng komunyon? Oo na, ako na ang makasalanan.

Naalala ko ‘tong tagpong ito sa aking kabataan dahil kanina, habang nagpapahangin ako sa parke, may lumapit sa aking matabang mama na may sukbit na backpack at tadtad ng bling bling na ID straps ang leeg. Hindi ko alam kung bakit n’ya ako nilapitan at kinausap bigla. At ingglisero din si koya.

“You know HR there in stock exchange,” bungad n’ya. “I am not enter because the guard say the time for lunch.”

Pigil na pigil na naman yung pag-cringe ng mukha ko. Gusto kong tumawa at tumakbo palayo sa stranger na ‘to. Nakakatakot s’ya na nakakatawa. In short, nakakawakot. At eto pa ang matindi, nagyabang pa sa harap ko as if me pake ako sa yaman n’ya.

“I came from States. You know in US I have money there, so much money. I’m shock I’m not enter the stock exchange because of lunch break. You know where I come? All the way from Sta. Mesa. It tooks me an hour to get there. I’m suppose to go to stock exchange but I’m not allow.”

Hindi ko talaga ma-gets ang ipinaglalaban ng lalaking ito. At bakit n’ya sinasabi sa ‘kin ‘yon? Pake ko kung tatanga-tanga s’ya at pumunta s’ya ng opisina during lunch break? At bakit big deal sa kanya ‘yon? Pwede naman s’yang bumalik ng 1pm.

“You know, I’m come back maybe December,” sabi n’ya.

Fine, e di sa December ka bumalik. Pake ko? Ine-enjoy ko yung lunch break ko. Ba’t ba ako ang napagtripan mong kausapin? Pero syempre di ko sinabi ‘yon sa kanya. Nagpaka-nice ako kahit kinakabahan na ‘ko sa motibo n’ya. Tinanong ko na lang s’ya ng million-dollar question.

“Are you a stockbroker?” sabi ko.

“What’s that?” tanong n’ya pabalik.

Naknampucha. Kung makapag-English sa mukha ko, kala mo kung sinong yayamaning nanggaling sa States. Obobs naman pala. Sampalin ko ‘to ng nincompoops at tintinnabulation e. Ako pa talaga kinalaban n’ya sa ingglisan? Don’t me! Hindi porket nakatungtong kayo sa US e magaling na kayong mag-English. ‘Wag n’yo ‘kong parusahan sa wrong grammar n’yo.

At lalong ‘wag na ‘wag n’yo ‘kong inaabala kapag nagpapahangin ako sa parke.

Advertisements