Gumalaw nang 30 minutes

by Sankage Steno

With the title World War Z

“Movement is life.”

‘Yan ‘yung most memorable line sa akin sa zombie apocalypse movie na World War Z. Kapag kasi hindi ka gumalaw at pumirmi lang sa isang lugar, mas malaki ang chance na makain ka ng zombies. E parang naka-steroid pa naman ‘yung mga halimaw sa pelikula na ‘yon. Nanghahabol. Hindi katulad sa Walking Dead na leisure walking lang.

‘Yan din ang advice ko sa sarili habang nasa lockdown (na maaari pang ma-extend ng 2 weeks up to 20 days). Wala namang zombie na kakain sa akin, although mahalaga pa ring gumalaw para hindi ma-stroke, para maiwasan ang depression, para hindi lumala ang anxiety, para hindi tumaba masyado, at para malibang nang kaunti.

Isa sa mga kinabuwisit ko noong una sa lockdown na ito ay ‘yung pagkawala ng physical activity ko. Kapag kasi pumapasok ako sa office, nakakapaglakad-lakad ako tuwing lunch break at naglalakad din ako ng halos isang oras pauwi sa bahay mula sa pinapasukan ko sa Makati.

Surprisingly, ngayong nakakulong ako sa bahay, nagawa kong magka-habit na gumalaw pa rin at mag-exercise. Bale ang routine ko ngayon sa araw-araw e eto:

  1. Pagkagising, exercise for 30 minutes
  2. Mamalengke o maglinis ng bahay
  3. Magtrabaho
  4. Magsulat ng nobela
  5. Magbasa ng libro o mag-videoke

Halos ganyan ang ginagawa ko ngayon sa araw-araw, kahit Sabado o Linggo. Iniiwasan ko rin ang panonood ng series o movie marathon dahil lalo lang akong nagkaka-anxiety o nade-depress kapag nauubos ang araw ko na nakaharap lang sa screen at walang ibang nagagawa.

Wala naman akong major goal kung bakit ako may habit na gumalaw-galaw o mag-engage sa physical activities for at least 30 minutes every day. Ang pinakalayunin ko lang ay GUMALAW. Wala nang iba. Hindi ang magpapayat o magpaganda ng katawan, pero kasama na rin ‘yon sa benefits kapag regular kang nag-eehersisyo.

Mahalaga para sa isang tao na may goal ka sa ginagawa mo, pero mahalaga rin na doable ang goal mo at hindi ‘yung ningaskugon lang, na kapag nahirapan ka na o nagkaproblema nang kaunti, e titigil ka na. You have to form a habit, and you can only do that if you start small. Little by little. Hindi ‘yung bongga agad.

Ngayon, kung kaya mong maglaro ng video games o mag-Netflix nang tatlong oras straight, siguro naman kaya mo rin ang 30 minutes na paggalaw-galaw ng katawan.

Inuulit ko. Hindi mo kailangang mag-exercise para magpapayat o magka-abs. Kailangan mo lang GUMALAW.

Dahil dinisenyo ang ating katawan para sa movement, dapat may movement tayo araw-araw. Pero dahil limitado ang galaw natin ngayon sa lockdown, mas dapat mag-effort na gumalaw-galaw sa loob ng bahay. Ito ang karaniwang movements ko sa 30-minute exercise pagkagising sa umaga:

  • Walk in place (kung may bakuran kayong maluwang, better)
  • Run/Jog in place
  • Jumping jacks
  • Stretching
  • Push-ups (optional ito kung hindi mo kaya)

Ganyan lang kasimple ang ginagawa ko. Paulit-ulit for 30 minutes. Minsan, kapag masaya ang tugtog, sinasamahan ko ng sayaw o martial arts forms na natutuhan ko noong high school. Basta ikaw ang bahala. Walang hard rules. Ang mahalaga, gumalaw ka nang tuluy-tuloy for 30 minutes para makaiwas sa sakit.

Nga pala, ang 30 minutes ay katumbas lamang ng walong (8) pop songs (na may duration na 3 to 4 minutes). Walong kanta lang ‘yan o kasinghaba ng isang anime episode. Napakaikli kung tutuusin. Narito ang mga pampagana kong tugtog na pwede mo ring pakinggan habang nag-e-exercise:

Sana makatulong. 🙂