Boys’ Love

by Sankage Steno

Natutuwa ako dahil sumisikat na ang Boys’ Love o BL sa Pilipinas, na nag-originate sa Japan bilang mga Yaoi manga at mas pinasikat pa ng Thailand nang gawan nila ito ng TV series adaptation. Ganito rin kasi ‘yung “genre” ng mga naisulat kong nobela.

Sa mga nakabasa na ng unang dalawa kong nobela na nanalo sa Lampara (“Ang Lihim sa Tore ng Sinagtala” at “Si Aris sa Tagsibol ng Damdamin”), BL din ‘yung pinakatinutumbok kong genre, pero pasok pa rin naman sa mas marketable term na “Young Adult.”

But enough sa pagbubuhat ng sariling bangko, I just want to credit these yaoi writers and BL producers for their bravery. Malaking sugal ang pagpapalabas ng mga ganitong shows na ang bida ay dalawang lalaking nagliligawan, nagmamahalan, naghahalikan, nagkakatampuhan, nagkakamabutihan, nagkakahiwalay, at nagkakabalikan.

So thank you!

I think I have to give credit as well to GMMTV na nag-produce ng pinakasikat na BL ngayon, ang 2gether The Series, na pinagbibidahan nina Bright Vachirawit at Win Metawin, na super guwapo at adorable together. Walang itulak-kabigin!

Kung naghahanap ka ng kilig at saya, BL is the one for you. Dahil sa BL, mas naintindihan ko ang nararamdaman ng mga fan girls, ng mga nahuhumaling sa K Drama at sa mga love teams like KathNiel, JaDine, LizQuen, atbp. Now I can relate.

Maliban sa understanding ko sa ganitong dynamics, sa representation ng man to man (or boy to boy) relationhip sa mass media, at sa kilig at ligayang hatid nito sa akin, natutuwa rin ako sa kapangahasan ng mga gumagawa nito na ipakita ‘yung mga mali sa lipunan. And this is where the dark side of BL lies.

For example, sa kauna-unahang BL na pinanood at inibig ko, SOTUS at SOTUS S, tungkol ito sa university life ng mga college students na gustong maging member ng org or maging part ng community, and to do that, dapat may initiation or hazing.

Although may disclaimer ang show na exaggerated ang pagpapahirap na ginagawa nila sa students, ipinapakita pa rin ang talamak na bullying, hate, at power abuse kahit sa school pa lang.

Maliban sa hazing at bullying, marami ring BL ang walang ideya sa consent at rape, o kung meron man, they don’t think it wrong na pwersahin ang isang tao na makipag-sex sa kanila o gawin ang mga bagay sa iba nang walang consent. Ganito ‘yung nakita ko sa Water Boy at sa Chinese BL na Addicted.

Ang akala ng mga writers, normal lang ang sapilitang pakikipag-sex para magustuhan ka rin ng type mo. Or, hindi masamang makipag-sex sa taong alam mong may gusto sa ‘yo kahit ayaw pa n’yang makipag-sex. Which is definitely wrong. Rape is forced sex. Kahit mahal ka ng taong ‘yan, kung ayaw n’yang makipagtalik, at pinuwersa mo, that’s rape.

Ganito ‘yung madalas ipakita sa mga BL na mali at kailangang mabago.

Maliban sa mga nabanggit ko, talamak din sa BL ang gay relationship na masc for masc o mga straight-acting na lalaki ang bida o pinagpapares. Although meron din namang mga effem na ibinibida kapares ng isang macho na lalaki, mas sumisikat ang mga macho sa macho na love team. Ito ang isa pang dapat mabago at i-improve ng mga BL writers.

Sa Thailand kasi, nagiging stepping stone ng mga lalaking artista ang BL o gay roles at the start of their career. Tulad na lang ni Mario Maurer na straight pero unang sumikat sa gay movie niya na Love of Siam. Ganito rin ang nakikita kong kahihinatnan ng bida ngayon sa 2gether na si Bright.

Ang dating ngayon, nagagamit lang ang kabaklaan o LGBT movement bilang springboard ng career ng mga artistang ito. I don’t want to talk about patriarchy and capitalism anymore kasi hahaba lalo itong blog ko. Saka lahat naman ng bagay sa kasalukuyan ay maikokonek natin sa dalawang ito. As in lahat!

So focus muna ako sa mas madaling mabago na makakatulong para ma-improve pa ang narrative ng mga BL habang patuloy ito sa pagsikat sa Asya at sa ibang bahagi ng mundo. Kasi sa totoo lang, maraming BL ang kilig lang ang offer at pangit ang kuwento. I think dapat dito muna tayo mag-start bago ‘yung mas malaking problema na systemic.

Itong sikat na BL series ngayon, 2gether, talagang walang laman ‘yung kwento, unlike ‘yung SOTUS na medyo matibog-tibog at malaman. Pero ‘yun nga, kulang pa rin. Di hamak na mas malalim ang mga nobelang naisulat ko while maintaining the kilig between the two male characters. Ayan, nabalik na naman sa akin. Sorry naman. Haha!

Napaka-promising ng BL, I swear, pero nakakatakot din kasi baka maging stagnant s’ya at hindi na mag-improve ang story at mga issues na tinatalakay. Baka forever na lang na kilig-kilig at walang linamnam, walang naidaradag sa diskurso, at hindi nagtatangkang baguhin ang mga mali sa lipunan. It’s a tall order, I know. But doable.

Dito papasok ang mga fans at online communities. Malaki ang magagawa nila to improve these shows. Nakikinig naman ang mga writers at producers e. Nagbabasa sila ng feedback sa online forum, Twitter, Facebook, etc., so it would be helpful kung bibigyan sila ng constructive criticisms ng woke fans.

So let’s celebrate Boys’ Love dahil sumisikat na s’ya, at mas marami nang exposure ang love between two guys. Pero let’s also push for a stronger, braver, and more inclusive narrative that won’t perpetuate the wrongs in our society. ❤