Nonreactive
Noong unang beses akong magpa-test for HIV a couple of years back, medyo naluka ako sa mga tanong nung counselor, pero di naman ako nasiraan ng bait. Tinanong lang naman kasi kung kailan ako huling nakipag-sex, kung ako ba ay giver o receiver (nice terms for top or bottom), kung gumamit ba ako ng condom, kung nagda-drugs daw ba ako at kung anu-ano pang nakaka-shock kung di handa ang kalooban mo.
Kahit medyo nakaka-violate ang mga tanong, tiniis ko pa rin at sinagot nang matapat. Mas mahalaga kasi ang buhay ko kesa sa self-esteem o kahihiyan ko sa katawan. Saka mahalaga rin naman yung mga impormasyong ‘yon para lalo pa nilang mahikayat ang mga taong magpa-HIV test.
Uulitin ko lang, libre po s’ya. Sagot ng gobyerno ang pagpapa-test, maging ang gamutan kung sakaling lumabas na positive ka sa HIV. Hindi ka rin mamamatay kapag nag-positive ka. May mga gamot na po para makontrol ang virus at hindi mag-develop sa AIDS. In short, pwede kang mabuhay nang normal at mahaba basta lagi kang maggagamot.
Click here para malaman kung saan ka pwedeng magpa-test nang libre.
Ang pinaka-issue ko lang naman talaga kapag nagpapa-test ay yung counseling. Wala namang judgment o panghihiyang ginagawa. Sa katunayan, mahuhusay ang mga tao nila. Ang sa akin lang, ang hirap sagutin nung mga tanong lalo na kung face to face. Mas mahirap pa s’ya kesa dun sa pagkuha nila ng dugo.
Buti sana kung lahat ng nagpapa-test ay malakas ang loob o matapang tulad ko. E hinde. Yung iba, takot na ngang magpa-test, takot pang mahusgahan.
Sana sa susunod pwede nang sagutan na lang sa papel yung mga nakakaluka nilang katanungan. Tapos kapag nabasa ng counselor, saka na lang itanong kung may malabo. Hindi yung harap-harapan e tatanungin ka nang “Kelan ka huling nakipag-sex nang walang condom?” o “Sino sa inyo ang giver at receiver?”
Excuse me! Close ba tayo? #Charot
Iyon lang naman. For those of you na naku-curious, nonreactive po ang result ko. Ibig sabihin, wala akong HIV. Safe na safe pa pong makipag-sex sa akin. Tuloy-tuloy lang po ang ligaya, mga mumshie. Kaya kung gusto mo, alam mo na ang dapat mong gawin. ❤