Ang Limang Utos ng Diyos na si Duterte
by Sankage Steno
Alam kong masamang makipag-away at hindi dapat ako pumapatol sa mga taong mas mababa ang IQ sa akin, pero wala na kasi akong magawa kaya maghahanap na lang ako ng gulo. Ganito kasi ang turo sa akin ng tagapagligtas na si Duterte.
Ibigin mo si Duterte nang buong puso, buong buhay, buong kaluluwa at buong talino kung meron man.
Marami akong kaibigan at kamag-anak (matalino, average at kulang-kulang) ang aliw na aliw at baliw na baliw kay Duterte. Naiintindihan ko sila. Ayaw nila ng krimen, at naniniwala silang kamay na bakal ang makakapagdisiplina sa maraming Pilipinong katulad nila na wala ring disiplina.
Ako? May disiplina naman ako. Sumusunod ako sa batas. Pero sa blog na ito, pasaway ako. Sabi ko nga, sinusunod ko lang ang turo ni Kristong Duterte, sa pula-sa puti.
Huwag mong sambitin ang pangalan ni Duterte nang walang kabuluhan, pero ayos lang magmura.
Kayong mga kampon ni Duterte, bago n’yo ipananggalang sa akin ang Davao City sa tuwing makikipagtalo ako sa inyo, siguraduhin n’yo munang nakatira o nakapunta man lang kayo sa Davao City. Ang problema kasi sa inyo, wala kayong ibang alam kay Duterte kundi Davao City. Wala kayong pinagkaiba kay Binay na walang ibang bukambibig kundi Makati City.
Nakapunta na ako sa Davao City. Maayos naman siya at progresibo, pero kung tatanungin mo ako kung gugustuhin kong tumira roon, hindi ang isasagot ko. Hindi siya kasing-unlad ng Cebu City at hindi kasimpayapa ng Batanes (zero crime rate). Sa tingin ko, mas maganda pang tumira sa Star City o sa SM City.
Huwag kang papatay, maliban na lamang kung sa tingin mo ay mandurukot siya o gumagamit ng droga.
Kay Duterteng manunubos na mismo nanggaling na pumapatay siya ng maliliit na kriminal. Kung Kristyano ka, paano mo naaatim ang ganitong paniniwala? Hindi ka ba natatakot na baka ikaw naman ang mapagkamalang kriminal at patayin nang walang paglilitis?
At ano na lang ang mangyayari sa kapulisan at sa mga korte natin kung ganitong uri ng hustisya ang paiiralin natin? Naniniwala akong mas dapat pagtibayin ang mga institusyon sa bansa, gaano man kahirap o kabagal, sa halip na ilagay sa sariling kamay ang batas. Nakakatakot ang bansang lahat ay nag-aastang si Batman.
Huwag kang magsasabi ng hindi totoo sa iyong kapwa, pero ayos lang mag-post sa Facebook ng mga pekeng meme at hoax.
Nakakainit din ng ulo yung mga memes at posts sa Facebook tungkol kay Duterte na hindi naman totoo o kaduda-duda ang pinanggalingan. Hindi ba kayo nag-iisip? Basta pabor sa idol n’yo, tama agad? At kapag di pabor sa idol n’yo, kulang na lang ay ipapatay n’yo yung taong nag-post no’n?
Saan kayo kumukuha ng kabobohan at karahasan sa katawan? Ay, bakit ko ba tinanong pa? Saan pa ba kundi kay Panginoong Duterteng makapangyarihan sa lahat, maging sa batas ng tao.
Huwag kang makikiapid, pero ayos na ayos kung marami kang babae maliban sa asawa o kasintahan mo.
Wala akong pake sa ginagawa ni Duterte sa kwarto n’ya, pero kung ipangangalandakan niya ang kanyang kabastusan sa mga babae, kung hihipuan at hahalikan n’ya lahat ng babaeng makasalubong n’ya sa pangangampanya n’ya, at kung ina o kapatid ko ang gaganunin n’ya, makakatikim s’ya sa akin.
Hindi ko s’ya ipapapatay dahil di naman ako katulad n’ya. Mumurahin ko lang siguro s’ya, tulad ng ginagawa n’ya sa mga kumakalaban sa kanya. Parang ganito: ❤ Puta ang ina mo, diyos naming Duterte. ❤
Manalangin tayo:
Duterte namin, sumasadavao ka,
Sambahin ang ngalan mo,
Mapasaamin ang katarantaduhan mo,
Sundin ang loob mo kahit labag sa batas.
Bigyan mo kami ngayon ng bagong meme sa araw-araw;
At patayin natin ang lahat ng may sala,
Para nang pagpatay mo sa mga maliliit na makasalanan;
At hayaan mo kaming magpadala sa tukso,
At iadya mo kami sa lahat ng tingin mo ay masama.
Amenhotep.
Ngayon, January 8,2017. That’s roughly 7 months under the Butete este Duterte administration. Parang gusto ko na pumunta sa planet na mas malayo pa sa Pluto. Baliw siya at marami na siyang nahahawa parang Planet Z! Mga Zira Ulo!
LikeLike
Bigyan mo kami ngayon ng bagong meme sa araw-araw;
At patayin natin ang lahat ng may sala,
Para nang pagpatay mo sa mga maliliit na makasalanan;
At hayaan mo kaming magpadala sa tukso,
At iadya mo kami sa lahat ng tingin mo ay masama.
Amenhotep.
WIN. Hahaha!!
Pumupunta ako dito sa blog mo para tumawa… I mean, matuto. ;D
LikeLiked by 1 person
This is blasphemy!!! Specially the Lord’s prayer
Lord have mercy on us you people🙏
Kyrie eleison
Christe eleison
Kyrie eleison
LikeLike
Full of humor pero sobrang daming truths ang nadali mo! I even read a blog recently na chrisitan daw sya and as a christian she will vote for duterte. She is from davao and has testified that dds exists, yet she’s all for it, kasi sa pananaw nya eh isang drug pusher na mapatay eh may masesave na 50. So paano nga kung hindi totoong drug pusher yung napatay?
Anyway, i am not even sure if these people can imagine the philippines being led by the kind of leader that duterte is. Kung si PNoy na marami talagang nagawa lalo sa ekonomiya natin eh hindi matigil ang kritisismo nila, papano pa kaya si duterte na peace and order lang ang plataporma?
LikeLiked by 2 people
Uy curious ako. Can you share me the link? 🙂
LikeLike
sir, naaliw ako sa post na ‘to…dami kong tawa, isang libo yata.
keep it coming po!
LikeLiked by 1 person
I saw a bit of Marcelo H. Del Pilar in your post. Keep it up! 🙂
LikeLiked by 1 person
Hahaha most of duterte’s rabid fans have IQs 10feet below sea level so you really have to stoop down to their level para maintindihan ka nla.
LikeLike
You need a picture for that para madaling maintindihan. Kaya mahilig sila sa memes.
LikeLike
tlagang umasa ang author na mag-eenjoy sya s comments ha?mas madami p tawa q d2 s pagka-assuming mo! well, enjoy mo comments ng 2 tao dito, sorry tatlo n pla kasama itong s kin!
LikeLike
“at kung ina o kapatid ko ang gaganunin n’ya, makakatikim s’ya sa akin”
“Mumurahin ko lang siguro s’ya, tulad ng ginagawa n’ya sa mga kumakalaban sa kanya.”
I just want to headbutt the motherf*cker regardless. His nose is hard to miss.
On a lighter note, your posts are pretty sensible and funny. Change of tone from all the election horseshit in my FB feed. Keep it up! 🙂
LikeLiked by 1 person
Thanks! I will. For now, mag-e-enjoy muna ako sa pagbabasa ng comments. Haha!
LikeLike
Hahahaha tawang-tawa ko sa post mo! LOL
Anyway, I just feel like sharing my comment to a different blog post, na may kinalaman sa Davao.
Tungkol dun sa pinagmamalaki nilang honest people daw ang mga taga-Davao, but me and my friend just encountered a different story when we went there just this month.
>> “Taxi drivers are not allowed to do contract fare, only meters are allowed or risk loosing franchise and vehicles impounded. As a result, Davao has the most honest, very courteous and friendliest taxi drivers. No scammers. Always give change to the last centavo.”
I just went to Davao this month and we really had a bad experience with a taxi driver who insisted to contract our fare; a bus driver who told us that if we will take his route it would only take us 5 hours, when it’s really 7 hours; a tricycle driver who told us that the fare is 150 pesos for both of us, but told us that it’s 150/each upon reaching our destination.
I was very disappointed because I thought that Davao is a community of honest person, but we encountered not only one, but three dishonest people on this city.”
LikeLike
Yan din ang punto ko sa mga nagtuturo sa Davao. Hindi s’ya perfect city, laganap pa rin ang krimen, pero yun at yun ang lagi nilang pinagmamalaki. It’s a third-world city. I’m pretty sure lalala ang krimen d’yan kapag tinanggal ang mga Duterte, which only goes to show na hindi sya mabisang lider dahil sa kanya lang nakasalalay ang “kapayapaang” pinagmamalaki nila.
Sorry to hear what happened to you. Maganda yung experience ko sa Davao kasi sinamahan ako ng friend kong tagaroon. I wonder kung iba yung naging experience ko kung di ko s’ya kasama. Baka naloko rin ako tulad mo. 😦
LikeLiked by 1 person